अतिशय उपयुक्त असे पुस्तक. मराठीत आर्थिक साक्षरता अतिशय सोप्या भाषेत गोष्टीरूप सांगितली आहेत. प्रत्येक लेख काहीतरी नवीन तर शिकवतोच पण आत्मनिरिक्षण करण्यास भाग पाडतो. तेव्हा आपल्या संग्रही हे असावेच...

हे पुस्तक अनेकांसाठी सेल्फ हेल्प / लाईफहॅक ठरणार आहे. हा प्रवास ट्विटर ते स्तंभ लेखन असा सुरू होऊन आता या सर्व प्रवासाचं कलेक्टिव्ह आलं आहे. लेखक आपले दर्जेदार अनुभव सांगताना पहिल्याच वाक्यापासून वाचकाच्या मनावर आरूढ होऊन जातात आणि प्रत्येक पानागणिक अनुभवसंपन्नतेची शिदोरी उघडून एक एक अनुभव उलगडून सांगत मनावर जे गारुड करतात, तो अनुभव थोडक्यात मांडणे फार अवघड आहे हे नक्की.. हे पुस्तक एकदा ते अनेकदा वाचताना वाचकांसाठी लाईफहॅक ठरू शकेल हे  खात्रीशीरपणे सांगू शकतो.. 

अर्थाचे अर्थ सोप्या शब्दांत सांगणारं हे पुस्तक सर्वांनी आवर्जून वाचावं असं आहेच, वाचून झाल्यावर कोणी स्वतःमध्ये कसे आणि किती बदल कळत नकळत केले हे उमजून घेणे हा देखील अभूतपूर्व प्रवास ठरणार आहे..

आपल्या एसटी बसला ‘संकटकाळी बाहेर पडण्याचा मार्ग’ नावाची एक विंडो असते. आपल्या आर्थिक नियोजनातही असेच संकटकाळात बाहेर पडण्यासाठी ‘खिडकी’ची गरज असते. त्यासाठी प्रत्येकाने बचत, गुंतवणूक आणि कमाईतून काही हिस्सा काढून ठेवणे गरजेचे आहे.

 Read more: संकटकाळी बाहेर पडण्याचा मार्ग