जे करत आहात ते आवडीने करा. यशस्वी नक्कीच व्हाल - सो गुड, दे कान्ट इग्नोर यू..! कॅल न्यूपोर्ट -Cal Newport

म्हणूनच लेखक म्हणतात जे करत आहात, ज्या गोष्टीची तुम्ही निवड केलेली आहे त्यात मन लावून, स्वतःला झोकून देऊन, इतके प्रवीण व्हा, निःपुन व्हा, पटाईत व्हा, कि, ती गोष्ट, ते काम तुमच्यासारखे कोणालाही करता येणार नाही, तुम्हीच ते काम करू शकता इतकी तुम्ही त्यावर पकड बनवायला पाहिजे, कौशल्यात पटाईत व्हायला पाहिजे जेणेकरून कोणीही तुम्हाला नजरअंदाज करणार नाहीत, सो गुड दे कान्ट इग्नोर यू.

सो गुड, दे कान्ट इग्नोर यू..!

कॅल न्यूपोर्ट

📚 #BookShorts-101

‘तुमच्या स्वप्नांचा पाठलाग करा’ हा सल्ला करिअर निवडीसाठी घातक आहे. त्याऐवजी तुम्ही काय करायला हवं हे ओळखा.... ‘सो गुड दे कान्ट इग्नोर यू’ या पुस्तकात कॅल न्यूपोर्ट लोकं जे काम करतात तेच त्यांना का आवडू लागतं या प्रश्नाच्या शोधात निघाला आहे.

स्वत:च्या कामावर बेहद्द खुश असलेले सेंद्रिय शेतकरी, उद्यम भांडवलदार, यशस्वी व्यावसयीक, पटकथा लेखक, चित्रकार, मुक्तसंगणक प्रोग्रामर आणि इतरांना तो प्रत्यक्ष भेटला. ध्यासाचा पाठलाग करणं हीच कामातून समाधान मिळवण्याची गुरुकिल्ली आहे हे खूप पुराणं गृहीतक तो (लेखक) खोटं ठरवतो.

प्रत्यक्ष जीवनातली उदाहरणं, अत्याधुनिक विज्ञान यातून बोध घेत, खात्रीने यशस्वी कारकीर्द घडवणार्‍या अधिक चांगल्या पर्यायी रणनीतीच्या तपशिलात तो जातो. ‘सो गुड दे कान्ट इग्नोर यू’ हे आपण कोणत्या क्षेत्रात करियर करावं याची धास्ती घेतलेल्या किंवा ‘तुम्हाला जे आवडतं ते काम करा, पैसा आपोआप त्याच्या मागे येईल’ अशा फुकाच्या सल्ल्याने त्रस्त झालेल्यांसाठी आहे.

तुमची स्वप्नं काय आहेत त्यांचा मागोवा घ्या, आपल्या जे आवडते ते करा, तुमचा कल कशात आहे त्यावर लक्ष केंद्रित करा, आवडीच्या गोष्टींची निवड करा, त्यात करिअर करणे तुमच्यासाठी योग्य होईल, तुम्ही यशस्वी व्हाल. असे सल्ले-मते-उदाहरणे आपल्याला देताना काही यशस्वी लोकं देतात. नक्कीच असे होईलही. परंतु, त्यात वेळ किती जाईल हे कोणी लक्षात घेत नाहीत आणि ते आपल्याला परवडेल काय?

कारण, आपण कोण आहोत, कुठून आलेलो आहोत, आपली मानसिक, शारीरिक, सामाजिक, आर्थिक परिस्थिती कशी आहे? या सर्व स्वतःचा शोध घ्यावा लागेल त्यात आपल्याला कळून चुकेल कि, आपण इतरांशी आपली तुलना करणे हेच मुळात चुकीचे आहे.

आपली परिस्थिती, आपले शिक्षण, आपली मुल्ये, तत्वे, आपला दृष्टीकोन, गरजा, आवश्यकता, यांचा प्रभाव आपल्या निवडीवर अवलंबून असतो यासाठी फक्त आपल्याला एखादी गोष्ट आवडते म्हणून त्यासाठी जीवन पर्यायाने वेळ घालवणे त्याऐवजी तुम्ही काय करायला हवं हे ओळखा.

स्वामी विवेकानंद यांनी देखील असेच म्हंटले आहे कि, एक तत्व, एखादे क्षेत्र, एखादी गोष्ट, काम,  निवडा त्यात प्राविण्य मिळवा त्यात आपले सर्वोत्तम पणाला लावा, तुम्ही एखाद्या गोष्टीला मग भलेही ते एखादे काम असो किंवा एखादे नाते असो, कौशल्य असो यांना किती वेळ देता, किती समजून घेता, किती सराव करता, निवडलेल्या कामात तुम्ही काय करायला हवं हे ओळखा, त्यावर पुढचे भविष्य अवलंबून असते. त्यानुसार तुम्हाला त्यात रस-रुची निर्माण होईल आणि यश नक्कीच मिळेल.  

आधुनिक मनोविज्ञान आणि शोधसुद्धा हेच सांगतात कि तुम्ही करत असलेल्या गोष्टीत सुरुवातीला तुम्हाला त्या गोष्टी, ते कार्य, ती नोकरी, निरस वाटेल परंतु एकदाका तुम्ही त्या गोष्टी शिकल्यावर, प्रशिक्षण घेतल्यावर तुम्हाला ती गोष्ट, ते काम समजते, कळते मग कालांतराने त्यामध्ये तुम्हाला आवड, रुची-रस निर्माण व्हायला लागतो आणि ती गोष्ट, ते काम सोपे वाटते.

म्हणूनच लेखक म्हणतात जे करत आहात, ज्या गोष्टीची तुम्ही निवड केलेली आहे त्यात मन लावून, स्वतःला झोकून देऊन, इतके प्रवीण व्हा, निःपुन व्हा, पटाईत व्हा, कि, ती गोष्ट, ते काम तुमच्यासारखे कोणालाही करता येणार नाही, तुम्हीच ते काम करू शकता इतकी तुम्ही त्यावर पकड बनवायला पाहिजे, कौशल्यात पटाईत व्हायला पाहिजे जेणेकरून कोणीही तुम्हाला नजरअंदाज करणार नाहीत, सो गुड दे कान्ट इग्नोर यू.

जे आवडते ते करा, नाहीतर जे करत आहात ते आवडीने करा. यशस्वी नक्कीच व्हाल.

‘

📘📙📗 So Good They Can"t Ignore You | Cal Newport

📚🕮 सो गुड दे कान्ट इग्नोर यू | कॅल न्यूपोर्ट

पुस्तक सारांश वाचा इथून :
आपल्‍या कामात एवढे चांगले व्‍हा की
कोणीही तुम्‍हाला नजरअंदाज करणार नाहीत.
सो गुड दे कान्ट इग्नोर यू

#हेही वाचा

अल्केमिस्ट
तुमच्या स्वप्नांचा पाठलाग करण्याची प्रेरणा
देणारे सर्वकालीन उत्कृष्ठ पुस्तक